» أعمدة » بن فليس خدع بليس

بن فليس خدع بليس

موقع الحوار

20727 مقال
منذ 3 شهور حجم الخط طباعة |

بقلم: الشيخ النوي

-واش بيك ا بليس وجهك راه اكحل اليوم؟

-علاه من بكري وجهي اكحل انا راني لباس بيا واش راك تشوف فيا؟

-راك تبانلي زعفان وماهوش عاجبك الحال يا درى واش صرالك؟

-ماصرالي والو يا النوي روح بعدني مع صباح ربي.

-قول قول لي تخبيه ليوم نعرفوه غدوة.

-يا شيخ تحوس على الصح راني زعفان من بن فليس.

-علاش واش كاين بيناتكم ثاني ولا راك منخرط في الطلائع؟

-هاهاهاها ضحكتني.

-اييه واش بيك زعلان؟

-كنت داير في حسابي بن فليس يشارك في الانتخابات وخرج علي الطريق.

-علاش كنت متفاهم معاه على المشاركة؟

-لالا كنت مخطط ورابطها مليح لكن خرجلي خرجة من القصب بصح اشفى على كلامي يندم عليها ولا خلي نقولو الشباب المنخرط في الحزب يجي نهار ويندمو على المقاطعة.

-يا بليس انت واش دخلك فيهم؟

-كيفاش انا يغيضني الحال مادام عندك شعبية وواثق من نفسك علاش ما تشاركش وتمد الفرصة للشباب باه ينخرط في العمل السياسي الحقيقي بعيدا عن الشعارات وفي النهاية هذا هو النضال روح معاها بالشوية.

-يا بليس انا خاطيني وهذا رايو نحتارموه.

نشر